08.29／做一ê母語作家是（人生）siōng大ê投資／杜信龍（臺灣文學金典獎臺語文學創作獎作者）

【內容紹介】
佇這場講座，欲來共逐家講「做一个母語作家是人生上好ê投資」。
啥物是作家，啥物是文學？所有ê作家敢lóng是寫文學？
咱感覺chia 3个問題就thang討論足久ah，何況koh欲討論用「母語」！
這就是我個人覺得想欲寫、學母語ê人看袂明ê所在--想傷濟！
有話就講，有話就寫，這毋是直接，毋是真自然？
論真，做袂到毋是毋知影方法，無練習，無自律ê精差niâ。
個人佮意寫日記，這mā是一種好ê工具。
雖bóng母語資源猶原真欠缺，是講網路時代濟濟資源，敢有影欠kah咱雙手真束縛？
按呢，濟濟華語作家一支跤踏入來母（台）語ê創作是為何？
咱大膽下一个較正面結論，這是怹人生上大ê突破，kap早期濟濟台語前輩仝款。
「投資」二字毋影較現實，時間就是一種資產。
咱照鏡看家己，看人生你想欲留落來上價值ê物件是啥？
咱人開始寫台語到今，閣真粗淺量其約7冬外。
總--是，有寡心得kap經驗，欲佮逐家分張。

【講者紹介】
2013年底開始用台語寫日記、寫作
學理工，毋捌受過正式台語教育kap文學訓練
最近著臺灣文學金典獎臺語文學創作獎

【詳細資訊】
主題：2021 台語文學系列講座－「#台文創作起鼓」
時間：2021/8/29，禮拜下晡2點～4點
講題：#做一ê母語作家是（人生）siōng大ê投資
講者：#杜信龍（臺灣文學金典獎臺語文學創作獎作者）
地點：Youtube直播